Lucas 14:1-6

Ang Biblia (1978)

14 At nangyari, sa pagpasok niya sa bahay ng isa sa mga pinuno ng mga Fariseo nang isang sabbath ^(A)upang kumain ng tinapay, at ^(B)inaabangan nila siya.

² At narito, sa kaniyang harapan ay may isang lalaking namamaga.

³ At pagsagot ni Jesus, ay nagsalita sa mga tagapagtanggol ng kautusan at sa mga Fariseo, na sinasabi, ^(C)Matuwid baga o hindi na magpagaling sa sabbath?

⁴ Datapuwa't sila'y di nagsiimik. At siya'y tinangnan niya, at siya'y pinagaling, at siya'y pinayaon.

⁵ At sinabi niya sa kanila, ^(D)Sino kaya sa inyo ang kung magkaroon ng isang asno o isang bakang lalake na mahulog sa hukay, at pagdaka'y hindi kukunin kahit araw ng sabbath?

⁶ At di na muling nakasagot sila sa kaniya sa mga bagay na ito.