Lucas 23:6-12

Ang Biblia (1978)

⁶ Datapuwa't nang ito'y marinig ni Pilato, ay itinanong niya kung ang taong yaon ay Galileo.

⁷ At nang maunawa na siya'y ^(A)nasasakop ni Herodes, ay ipinadala niya siya kay Herodes, na nang mga araw na yaon ay nasa Jerusalem din naman.

⁸ Nang makita nga ni Herodes si Jesus, ay nagalak siyang lubha: sapagka't malaon nang hinahangad niya na makita siya, sapagka't siya'y nakabalita tungkol sa kaniya; at siya'y naghihintay na makakita ng ilang himalang gawa niya.

⁹ At tinanong niya siya ng maraming salita; datapuwa't siya'y hindi sumagot ng anoman.

¹⁰ At ang mga pangulong saserdote at mga eskriba ay nagsitindig, na isinusumbong siyang mainam.

¹¹ At si Herodes na kasama ang kaniyang mga kawal ay inalimura siya, at siya'y nilibak, ^(B)at sinuutan siya ng maringal na damit, at ipinabalik siya kay Pilato.

¹² At nang araw ding yaon ay naging magkaibigan si Herodes at si Pilato: sapagka't dating sila'y nagkakagalit.