Lucas 4:25-30

Magandang Balita Biblia

²⁵ Ngunit^(A) sinasabi ko sa inyo, maraming biyuda sa Israel noong panahon ni Elias nang hindi umulan sa loob ng tatlo't kalahating taon at nagkaroon ng taggutom sa buong lupain. ²⁶ Subalit^(B) hindi pinapunta si Elias sa kaninuman sa kanila, kundi sa isang biyuda sa Sarepta, sa lupain ng Sidon. ²⁷ Sa^(C) dinami-dami ng mga may ketong^[a] sa Israel noong panahon ni Eliseo, wala ni isa mang pinagaling at nilinis maliban kay Naaman, na isang taga-Siria.”

²⁸ Nagalit ang lahat ng nasa sinagoga nang marinig ito. ²⁹ Nagsitayo sila at itinaboy siyang palabas papunta sa gilid ng bundok na kinatatayuan ng bayan upang ihulog siya sa bangin. ³⁰ Ngunit dumaan siya sa kalagitnaan nila at umalis.