Lucas 8:26-28

Magandang Balita Biblia

Ang Pagpapagaling sa Geraseno^(A)

²⁶ Dumaong sila sa lupain ng mga Geraseno,^[a] katapat ng Galilea sa kabilang ibayo ng lawa. ²⁷ Pagbaba ni Jesus sa bangka, sinalubong siya ng isang lalaking tagaroon na sinasapian ng mga demonyo. Matagal na itong hindi nagsusuot ng damit, ni ayaw ring tumira sa bahay kundi sa mga kuwebang libingan namamalagi. ²⁸ Nang makita si Jesus ay nagsisisigaw ang lalaki, nagpatirapa at sinabi nang malakas, “Jesus, Anak ng Kataas-taasang Diyos, ano ang pakialam mo sa akin? Nakikiusap ako sa iyo, huwag mo akong pahirapan!”