Lucas 13:18-22

Ang Salita ng Dios (Tagalog Contemporary Bible)

Ang Paghahalintulad sa Buto ng Mustasa^(A)

¹⁸ Nagpatuloy si Jesus sa pagtuturo niya, “Ano kaya ang katulad ng paghahari ng Dios? Sa ano ko kaya ito maihahambing? ¹⁹ Katulad ito ng isang buto ng mustasa^[a] na itinanim ng isang tao sa kanyang taniman. Tumubo iyon at lumaki na parang punongkahoy ang taas, at pinamugaran ng mga ibon ang mga sanga nito.”

Ang Paghahalintulad sa Pampaalsa^(B)

²⁰ Sinabi pa ni Jesus, “Sa ano ko pa kaya maihahambing ang paghahari ng Dios? ²¹ Katulad ito ng pampaalsang inihalo ng isang babae sa malaking planggana ng harina, at napaalsa nito ang buong masa ng harina.”

Ang Makipot na Pintuan^(C)

²² Nagpatuloy si Jesus sa paglalakbay niya papuntang Jerusalem. Dumaan siya sa mga bayan at nayon at nagturo sa mga tao roon.