Lucas 2:1-5

Magandang Balita Biblia

Ang Pagsilang ni Jesus^(A)

2 Nang panahong iyon, iniutos ni Emperador Augusto na magkaroon ng sensus sa lahat ng nasasakupan ng Imperyo ng Roma. ² Ang unang sensus na ito ay ginawa noong si Cirenio ang gobernador ng Siria. ³ Kaya't umuwi ang mga tao sa sarili nilang bayan upang magpatala.

⁴ Mula sa Nazaret, isang lungsod sa Galilea, si Jose ay pumunta sa Judea, sa Bethlehem na bayang sinilangan ni Haring David, sapagkat siya'y mula sa angkan ni David. ⁵ Kasama rin niyang umuwi upang magpatala si Maria na kanyang magiging asawa, na noon ay nagdadalang-tao.