Mak 2:18-20

Nouvo Testaman: Vèsyon Kreyòl Fasil

Yon kesyon sou moun k ap jene

(Mat 9:14-17; Lik 5:33-39)

¹⁸ Disip Janbatis yo ak Farizyen yo t ap jene. Kèk moun vin di Jezi: “Poukisa disip Jan yo ak disip Farizyen yo jene, epi disip pa w yo pa jene?”

¹⁹ Jezi reponn yo, li di yo: “Nan yon maryaj, zanmi misye marye a pa tris lè misye marye a la ak yo. Yo pa ka ap jene pandan misye marye a la toujou avèk yo. ²⁰ Men gen yon jou k ap vini lè y a pran misye marye a, li p ap la avèk yo ankò, se lè sa a, y a jene.