Mak 6:13-15

Nouvo Testaman: Vèsyon Kreyòl Fasil

¹³ Yo chase anpil demon sou moun, yo pase luil sou anpil malad epi yo geri yo.

Ewòd pran Jezi pou Janbatis

(Mat 14:1-12; Lik 9:7-9)

¹⁴ Wa Ewòd tande tout bagay sa yo paske Jezi te vin popilè anpil. Te gen kèk moun ki t ap di: “Nonm sa a pa ka lòt moun sinon Janbatis. Se paske li resisite ki fè li gen pouvwa pou l fè tout gwo mirak sa yo.”

¹⁵ Gen lòt moun ki t ap di: “Se Eli.”

Lòt moun toujou t ap di: “Li se yon pwofèt tankou youn nan pwofèt lontan yo.”