Mak 9:20-22

Nouvo Testaman: Vèsyon Kreyòl Fasil

²⁰ Disip yo mennen jèn gason an bay Jezi. Lè move lespri a wè Jezi, li atake jèn gason an, li tonbe, li woule atè epi kim t ap sòti nan bouch li.

²¹ Jezi mande papa jèn gason an: “Depi konbyen tan li konsa?”

Papa a reponn li: “Li konsa depi li te tou piti. ²² Anpil fwa lespri a voye l jete nan dife osinon nan dlo pou l touye l. Men si ou kapab fè yon bagay, tanpri gen pitye pou nou, ede nou.”