Mangangaral 12:9-11

Magandang Balita Biblia

⁹ Lahat ng nalalaman ng Mangangaral ay itinuro niya sa mga tao. Pinag-aralan niyang mabuti ang mga kasabihan at sinubok kung ito'y totoo. ¹⁰ Pinipili niya ang mga salitang magdudulot ng kasiyahan at isinusulat ang katotohanan.

¹¹ Ang mga salita ng matalino ay matulis na tulad ng tungkod na pantaboy ng kawan, tulad ng matulis na pakong nakabaon pagkat buhat sa tanging pastol nating lahat.