Marcos 1:9-11

Ang Salita ng Dios (Tagalog Contemporary Bible)

Ang Pagbautismo at Pagtukso kay Jesus^(A)

⁹ Sa panahong iyon, dumating si Jesus mula sa Nazaret na sakop ng Galilea at nagpabautismo kay Juan sa Ilog ng Jordan. ¹⁰ Pagkaahon ni Jesus sa tubig, nakita niyang bumukas ang langit at bumaba sa kanya ang Banal na Espiritu tulad ng isang kalapati. ¹¹ At may boses na narinig mula sa langit na nagsabi, “Ikaw ang minamahal kong Anak, na lubos kong kinalulugdan.”