Marcos 10:14-16

Ang Bagong Tipan: Filipino Standard Version

¹⁴ Nagalit si Jesus nang makita ito. Sinabi niya sa kanila, “Hayaan ninyong lumapit sa akin ang maliliit na bata. Huwag ninyo silang pagbawalan sapagkat para sa mga tulad nila ang kaharian ng Diyos. ¹⁵ Tandaan ^(A) ninyo, ang sinumang hindi tumanggap sa kaharian ng Diyos tulad ng pagtanggap sa maliit na bata ay hindi maaaring pumasok doon.” ¹⁶ Kinalong niya sila, ipinatong ang kanyang mga kamay sa kanila at binasbasan sila.