Marcos 11:11-13

Ang Biblia, 2001

¹¹ Pumasok siya sa Jerusalem at pumunta sa templo. Nang matingnan niya sa palibot ang lahat ng bagay, palibhasa'y hapon na, pumunta siya sa Betania na kasama ang labindalawa.

Isinumpa ni Jesus ang Puno ng Igos^(A)

¹² Kinabukasan, nang dumating sila mula sa Betania ay nagutom siya.

¹³ At pagkatanaw niya sa malayo ng isang puno ng igos na may mga dahon, lumapit siya upang tingnan kung may matatagpuan siya roon. At nang siya'y makalapit doon, wala siyang natagpuang anuman kundi mga dahon, sapagkat hindi pa panahon ng mga igos.