Marcos 11:11-13

Ang Bagong Tipan: Filipino Standard Version

¹¹ Nang makapasok na si Jesus sa Jerusalem, nagtungo siya sa templo at pinagmasdan ang buong paligid niyon. Dahil gumagabi na, lumabas siya at pumunta sa Betania kasama ang labindalawa.

Isinumpa ni Jesus ang Puno ng Igos^(A)

¹² Kinabukasan, nang pabalik na sila mula sa Betania, nakaramdam ng gutom si Jesus. ¹³ Natanaw niya sa di-kalayuan ang isang puno ng igos na maraming dahon. Nilapitan niya ito upang tingnan kung may bunga. Subalit dahil hindi pa panahon ng pamumunga nito, wala siyang nakita kundi mga dahon.