Marcos 11:12-14

Ang Salita ng Dios (Tagalog Contemporary Bible)

Isinumpa ni Jesus ang Puno ng Igos^(A)

¹² Kinabukasan, nang umalis sila sa Betania pabalik sa Jerusalem, nagutom si Jesus. ¹³ May nakita siyang isang madahong puno ng igos. Kaya nilapitan niya ito at tiningnan kung may bunga. Pero wala siyang nakita kundi mga dahon, dahil hindi pa panahon ng mga igos noon. ¹⁴ Sinabi ni Jesus sa puno, “Mula ngayon, wala nang makakakain ng bunga mo.” Narinig iyon ng mga tagasunod niya.