Marcos 11:15-17

Magandang Balita Biblia (with Deuterocanon)

Pinalayas ang mga Nangangalakal sa Templo^(A)

¹⁵ Pagdating nila sa Jerusalem, si Jesus ay pumasok sa Templo. Ipinagtabuyan niya ang mga nagbebenta at namimili roon, at ipinagtataob niya ang mga mesa ng mga namamalit ng salapi at ang mga upuan ng mga nagtitinda ng kalapati. ¹⁶ Pinagbawalan din niyang tumawid sa patyo ng Templo ang mga may dalang paninda ¹⁷ at^(B) tinuruan niya ang mga tao nang ganito, “Nasusulat, ‘Ang aking tahanan ay tatawaging bahay-dalanginan ng lahat ng bansa.’ Ngunit ginawa ninyo itong lungga ng mga magnanakaw!”