Marcos 11:9-11

Magandang Balita Biblia (with Deuterocanon)

⁹ Ang^(A) mga tao sa unahan at sa hulihan ni Jesus ay sumisigaw ng ganito, “Purihin ang Diyos!^[a] Pinagpala ang dumarating sa pangalan ng Panginoon! ¹⁰ Pagpalain ang malapit nang itatatag na kaharian ng ating amang si David! Purihin ang Panginoon sa Kataas-taasan!”

¹¹ Pumunta si Jesus sa Jerusalem at pumasok sa Templo at tiningnan niya ang lahat ng bagay doon. At dahil gumagabi na, lumabas siya at nagbalik sa Bethania na kasama ang Labindalawa.