Marcos 12:25-27

Ang Bagong Tipan: Filipino Standard Version

²⁵ Sa muling pagkabuhay ng mga tao mula sa kamatayan ay wala nang pag-aasawa. Sa halip, sila'y magiging katulad ng mga anghel sa langit. ²⁶ Tungkol ^(A) naman sa muling pagbangon ng mga patay, hindi ba ninyo nabasa sa aklat ni Moises, sa bahagi tungkol sa mababang punong nagliliyab na doon ay sinabi ng Diyos sa kanya, ‘Ako ang Diyos ni Abraham, ang Diyos ni Isaac, at ang Diyos ni Jacob’? ²⁷ Hindi siya Diyos ng mga patay, kundi ng mga buháy! Maling-mali kayo!”