Marcos 14:58-60

Ang Salita ng Diyos

⁵⁸ Sinabi nila: Narinig namin siyang nagsasabi: Gigibain ko ang banal na dakong ito na gawa ng mga kamay. Sa loob ng tatlong araw, magtatayo ako ng iba na hindi gawa ng mga kamay. ⁵⁹ Ngunit maging ang patotoo nilang ito ay hindi magkakatugma.

⁶⁰ Ang pinunong-saserdote ay tumayo sa gitna at tinanong si Jesus. Sinabi niya: Wala ka bang isasagot? Ano itong mga paratang na laban sa iyo?