Marcos 3:22-24

Ang Bagong Tipan: Filipino Standard Version

²² Ang ^(A) sabi naman ng mga tagapagturo ng Kautusan na galing sa Jerusalem, “Sinasaniban siya ni Beelzebul. Nagpapalayas siya ng demonyo sa pamamagitan ng kapangyarihan ng pinuno ng mga demonyo.” ²³ Dahil dito'y pinalapit ni Jesus ang mga tao at sinabi ang ilang talinghaga, “Paanong mapalalayas ni Satanas si Satanas? ²⁴ Kung hinahati ng isang kaharian ang sarili, babagsak ang kahariang iyon.