Marcos 6:30-32

Ang Bagong Tipan: Filipino Standard Version

Ang Pagpapakain sa Limang Libo^(A)

³⁰ Bumalik kay Jesus ang mga apostol at ibinalita sa kanya ang lahat ng kanilang ginawa at itinuro. ³¹ Napakaraming tao ang dumarating at umaalis, at halos wala na silang panahong makakain. Kaya't sinabi ni Jesus sa mga alagad, “Sumama kayo sa akin sa isang lugar na malayo sa karamihan upang makapagpahinga kayo kahit sandali.” ³² Sumakay sila sa isang bangka at nagtungo sa isang ilang na lugar.