Marcos 6:45-47

Magandang Balita Biblia (with Deuterocanon)

Lumakad si Jesus sa Ibabaw ng Tubig^(A)

⁴⁵ Agad pinasakay ni Jesus sa bangka ang kanyang mga alagad. Sila ay pinauna niya sa Bethsaida, sa kabilang ibayo ng lawa, habang pinapauwi naman niya ang mga tao. ⁴⁶ Matapos magpaalam, umakyat siya sa bundok upang manalangin.

⁴⁷ Pagsapit ng gabi, nasa laot na ang bangka, habang si Jesus ay nag-iisa sa pampang.