Marcos 9:2-4

Ang Salita ng Diyos

Ang Pagbabagong Anyo

² Pagkaraan ng anim na araw, isinama ni Jesus sina Pedro, Santiago at Juan. Dinala niya silang bukod sa mataas na bundok na sila lang ang naroroon. Siya ay nagbagong anyo sa harap nila.

³ Ang kaniyang kasuotan ay naging makinang, pumuti na gaya ng niyebe. Walang tagapagpaputi ng damit sa lupa ang makapag­papaputi ng ganoon. ⁴ Si Elias, kasama ni Moises ay nagpakita sa kanila na nakikipag-usap kay Jesus.