Mateo 12:22-24

Ang Salita ng Dios (Tagalog Contemporary Bible)

Si Jesus at si Satanas^(A)

²² May dinala ang mga tao kay Jesus na isang lalaking bulag at pipi na sinasaniban ng masamang espiritu. Pinagaling siya ni Jesus, agad siyang nakakita at nakapagsalita. ²³ Namangha ang lahat at sinabi, “Ito na nga kaya ang Anak ni David?”^{[a] 24} Pero nang marinig ito ng mga Pariseo, sinabi nila, “Si Satanas^[b] na pinuno ng masasamang espiritu ang nagbigay sa kanya ng kapangyarihang magpalayas ng masasamang espiritu!”