Mateo 12:35-37

Ang Salita ng Dios (Tagalog Contemporary Bible)

³⁵ Ang mabuting tao ay nagsasalita ng mabuti, dahil puno ng kabutihan ang kanyang puso. Pero ang masamang tao ay nagsasalita ng masama, dahil puno ng kasamaan ang kanyang puso. ³⁶ Tinitiyak ko sa inyo na sa Araw ng Paghuhukom, mananagot ang bawat isa sa mga walang kwentang salitang binitiwan niya. ³⁷ Sapagkat ibabatay sa mga salita mo kung paparusahan ka o hindi.”