Mateo 13:36-38

Ang Bagong Tipan: Filipino Standard Version

Ang Kahulugan ng Talinghaga tungkol sa mga Damo

³⁶ Pagkatapos ay iniwan ni Jesus ang napakaraming tao at pumasok sa bahay. Nilapitan siya ng kanyang mga alagad, at sinabi sa kanya, “Ipaliwanag po ninyo sa amin ang talinghaga tungkol sa mga damo sa bukirin.” ³⁷ Sumagot siya, “Ang naghahasik ng mabuting binhi ay ang Anak ng Tao. ³⁸ Ang bukirin ay ang sanlibutan. Ang mabuting binhi naman ay tumutukoy sa mga anak ng kaharian, subalit ang mga damo ay ang mga anak ng Masama.