Mateo 17:12-14

Ang Bagong Tipan: Filipino Standard Version

¹² Subalit ^(A) sinasabi ko sa inyo na dumating na si Elias, ngunit siya'y hindi nila kinilala, sa halip ay kanilang ginawa sa kanya ang anumang kanilang maibigan. Gayundin naman, ang Anak ng Tao ay malapit nang dumanas ng pagdurusa sa kanilang mga kamay.” ¹³ At naunawaan ng mga alagad na tungkol kay Juan na Tagapagbautismo ang sinasabi niya sa kanila.

Pinagaling ni Jesus ang Batang Sinasaniban ng Demonyo^(B)

¹⁴ At pagdating nila sa maraming tao, may isang lalaking lumapit sa kanya at lumuhod sa harapan niya.