Mateo 17:15-17

Magandang Balita Biblia

¹⁵ “Ginoo, maawa po kayo sa anak ko! Siya po'y may epilepsya at lubhang nahihirapan. Madalas po siyang mabuwal sa apoy o kaya'y mahulog sa tubig. ¹⁶ Dinala ko po siya sa inyong mga alagad ngunit siya'y hindi nila mapagaling.”

¹⁷ Sumagot si Jesus, “Lahing napakasama at walang pananampalataya! Hanggang kailan ako dapat manatiling kasama ninyo? Hanggang kailan ko kayo pagtitiisan? Dalhin ninyo rito ang bata!”