Mateo 2:19-21

Magandang Balita Biblia (with Deuterocanon)

Ang Pagbalik mula sa Egipto

¹⁹ Pagkamatay ni Herodes, nagpakita kay Jose sa panaginip ang isang anghel ng Panginoon habang siya'y nasa Egipto. ²⁰ Sinabi sa kanya ng anghel, “Bumangon ka. Dalhin mo na sa Israel ang iyong mag-ina sapagkat patay na ang mga nagtatangka sa buhay ng bata.” ²¹ Kaya't bumangon nga si Jose at dinala sa Israel ang kanyang mag-ina.