Mateo 24:19-21

Ang Bagong Tipan: Filipino Standard Version

¹⁹ Ngunit kay saklap para sa mga buntis at mga nagpapasuso ang mga araw na iyon! ²⁰ Kaya't ipanalangin ninyo na ang pagtakas ninyo ay hindi matapat sa taglamig o sa araw ng Sabbath. ²¹ Sapagkat ^(A) sa panahong iyon ay magkakaroon ng matinding kapighatiang hindi pa nangyari mula sa pasimula ng sanlibutan hanggang ngayon, at hindi na kailanman mangyayari pa.