Mateo 26:1-3

Ang Salita ng Dios (Tagalog Contemporary Bible)

Ang Planong Pagpatay kay Jesus^(A)

26 Pagkatapos ipangaral ni Jesus ang lahat ng ito, sinabi niya sa mga tagasunod niya, ² “Alam nʼyo na dalawang araw na lang at sasapit na ang Pista ng Paglampas ng Anghel,^[a] at ako na Anak ng Tao ay ibibigay sa mga taong kumokontra sa akin upang ipako sa krus.” ³ Nang mga oras na iyon, ang mga namamahalang pari at ang mga pinuno ng mga Judio ay nagpupulong sa palasyo ni Caifas na punong pari.