Mateo 28:1-3

Ang Bagong Tipan: Filipino Standard Version

Muling Nabuhay si Jesus^(A)

28 Pagkatapos ng Sabbath, sa pagbubukang-liwayway ng unang araw ng linggo, si Maria Magdalena at ang isa pang Maria ay pumunta sa libingan upang ito'y tingnan. ² At biglang lumindol nang malakas, sapagkat may isang anghel ng Panginoon na bumaba mula sa langit. Pumunta iyon sa libingan, iginulong ang bato, at umupo sa ibabaw nito. ³ Parang kidlat ang kanyang anyo at parang busilak sa kaputian ang kanyang pananamit.