Mateo 8:30-32

Ang Salita ng Dios (Tagalog Contemporary Bible)

³⁰ Sa di-kalayuan ay may malaking kawan ng baboy na nanginginain. ³¹ Nakiusap ang masasamang espiritu sa kanya, “Kung palalayasin mo kami, payagan mo na lang kaming pumasok sa mga baboy na iyon.” ³² Sinabi ni Jesus, “Sige, umalis kayo!” Kaya lumabas ang masasamang espiritu sa dalawang lalaki at pumasok sa mga baboy. Nagtakbuhan ang buong kawan ng baboy pababa ng burol, nagtuloy-tuloy sa lawa at nalunod.