Mateo 9:27-29

Ang Biblia (1978)

²⁷ At pagkaraan doon ni Jesus ay sinundan siya ng dalawang lalaking bulag, na nangagsisisigaw, at nangagsasabi, ^(A)Mahabag ka sa amin, ikaw na Anak ni David.

²⁸ At nang pumasok siya sa bahay, ay nagsilapit sa kaniya ang mga lalaking bulag: at sinabi sa kanila ni Jesus, Nagsisisampalataya baga kayo na magagawa ko ito? Sinabi nila sa kaniya, Oo, Panginoon.

²⁹ Nang magkagayo'y ^(B)kaniyang hinipo ang mga mata nila, na sinasabi, ^(C)Alinsunod sa inyong pananampalataya ay siyang mangyari sa inyo.