Mathayo 6:6-8

Agano Jipya: Tafsiri ya Kusoma-Kwa-Urahisi

⁶ Lakini unapoomba, unapaswa kuingia katika chumba chako cha ndani na ufunge mlango. Kisha mwombe Baba yako aliye mahali pa siri. Yeye anayaona mambo yanayofanyika katika siri na hivyo atakupa thawabu.

⁷ Na unapoomba usiwe kama watu wasiomjua Mungu. Wao kila wanapoomba wanarudia maneno yale yale, tena na tena, wakidhani kuwa wanapoyarudia maneno hayo mara nyingi watasikiwa na Mungu na kujibiwa maombi yao. ⁸ Msiwe kama wao. Baba yenu anajua yale mnayohitaji kabla hamjamwomba.