Mathayo 15:33-38

Agano Jipya: Tafsiri ya Kusoma-Kwa-Urahisi

³³ Wafuasi wakamwuliza Yesu, “Tutapata wapi mikate ya kutosha kuwalisha watu wote hawa? Tuko nyikani mbali ni miji.”

³⁴ Yesu akawauliza, “Mna mikate mingapi?”

Wakamjibu, “Tuna mikate saba na samaki wadogo wachache.”

³⁵ Yesu akawaambia watu waketi chini. ³⁶ Akaichukua mikate saba na samaki. Akamshukuru Mungu kwa sababu ya chakula. Akaigawa vipande vipande, akawapa wafuasi wake na wafuasi wakawapa watu chakula. ³⁷ Watu wote walikula mpaka wakashiba. Baada ya hili, wafuasi walijaza vikapu saba kwa vipande vya chakula vilivyosalia ambavyo havikuliwa. ³⁸ Walikuwepo wanaume 4,000 pale waliokula. Walikuwepo pia wanawake na watoto.