Mateo 26:39-44

Ang Biblia (1978)

³⁹ At lumakad siya sa dako pa roon, at siya'y nagpatirapa, ^(A)at nanalangin, na nagsasabi, Ama ko, kung baga maaari, ay ^(B)lumampas sa akin ang sarong ito: gayon ma'y ^(C)huwag ang ayon sa ibig ko, kundi ang ayon sa ibig mo.

⁴⁰ At lumapit siya sa mga alagad, at sila'y kaniyang naratnang nangatutulog, at sinabi kay Pedro, Ano, hindi kayo maaaring mangakipagpuyat sa akin ng isang oras?

⁴¹ Kayo'y mangagpuyat at magsipanalangin, ^(D)upang huwag kayong magsipasok sa tukso: ^(E)ang espiritu sa katotohanan ay may ibig, datapuwa't mahina ang laman.

⁴² Muli siyang umalis na bilang ikalawa, at nanalangin, na nagsasabi, Ama ko, kung di mangyayaring makalampas ito, kundi ko inumin, mangyari nawa ang iyong kalooban.

⁴³ At siya'y nagbalik na muli at naratnan silang nangatutulog, sapagka't nangabibigatan ang kanilang mga mata.

⁴⁴ At muli niya silang iniwan, at umalis, at nanalangin bilang ikatlo, na sinabing muli ang gayon ding mga salita.