మత్తయి 26:1-5

Telugu Holy Bible: Easy-to-Read Version

యూదా నాయకులు యేసును చంపుటకు కుట్ర పన్నటం

(మార్కు 14:1-2; లూకా 22:1-2; యోహాను 11:45-53)

26 యేసు చెప్పటం ముగించాడు. ఆ తదుపరి శిష్యులతో ² “రెండు రోజుల తర్వాత పస్కాపండుగ వస్తొందని మీకు తెలుసు. ఆ తర్వాత మనుష్య కుమారునికి శ్రమ సంభవిస్తుంది. తత్ఫలితంగా ఆయన శత్రువులు ఆయన్ని సిలువకు వేస్తారు” అని అన్నాడు.

³ ప్రధానయాజకులు, పెద్దలు, కయప అని పిలువబడే ప్రధానయాజకుని యింటి ఆవరణంలో సమావేశమై ⁴ యేసును ఏదో ఒక కుట్రతో బంధించి చంపాలని పన్నాగం పన్నారు. ⁵ “కాని పండుగ రోజుల్లో కాదు. అలా చేస్తే ప్రజల్లో అల్లర్లు చెలరేగవచ్చు” అని అనుకొన్నారు.