Matye 13:33-35

Nouvo Testaman: Vèsyon Kreyòl Fasil

³³Li ba yo yon lòt parabòl: “Wayòm syèl la, se tankou ledven yon fi pran li melanje l ak yon gwo mamit farin pou l fè pen. Ledven an fè tout pat la leve.”

³⁴Jezi sèvi avèk parabòl pou l di foul la tout bagay sa yo. Alaverite, li toujou sèvi ak istwa ki fè moun reflechi pou l anseye yo. ³⁵Sa te rive konsa pou pwofesi sa a te ka akonpli:

“M pral pale an parabòl.
M pral mete deyò sekrè ki kache depi fondasyon lemonn.”^[a]