Matye 2:14-16

Nouvo Testaman: Vèsyon Kreyòl Fasil

¹⁴ Jozèf pran manman an ak tout pitit la, li pati pandan lannuit la pou ale an Ejip. ¹⁵ Yo rete an Ejip jouktan Ewòd mouri. Vwayaj an Ejip la se yon aksyon ki fè nou konprann pi byen pwofesi ki di: “Mwen rele pitit gason m nan pou l soti kite peyi Ejip.”^[a]

Ewòd touye tout bebe gason nan Bètleyèm

¹⁶ Lè Ewòd reyalize maj yo te fè l yon move kou, se pa ti fache l te fache. Li pase lòd pou yo touye tout ti gason soti nan zewo pou rive dezan nan Bètleyèm ak nan tout zòn ozalantou l yo. Ewòd te aji dapre kalkil li te fè selon sa l te aprann nan bouch maj yo konsènan lè zetwal la te parèt la.