Matye 27:17-19

Nouvo Testaman: Vèsyon Kreyòl Fasil

¹⁷ Konsa lè foul la te rasanble, Pilat mande yo: “Kilès nan de a nou vle m lage ba nou: Barabas oswa Jezi, yo rele Kris la?” ¹⁸ Li konnen se jalouzi ki fè moun yo te livre Jezi ba li.

¹⁹ Pandan Pilat chita nan plas espesyal li konn fè jijman an, madanm li voye di l: “Pa foure kò w twò fon nan zafè sa a, paske nonm lan inosan. Yè swa mwen fè yon move rèv sou li, epi depi lè a m boulvèse anpil.”