Matye 27:3-5

Nouvo Testaman: Vèsyon Kreyòl Fasil

Jida touye tèt li

(Trav 1:18-19)

³ Lè Jida, moun ki te trayi Jezi a, wè yo pral touye l, li regrèt sa l te fè a. Li pote trant pyès lajan an remèt chèf prèt yo ak lòt lidè Jwif yo. ⁴ Li di: “Mwen peche paske mwen te livre yon nonm inosan bay lènmi l yo pou yo touye l.”

Yo reponn li: “Ki mele nou? Sa a se biznis pa w!”

⁵ Jida voye pyès lajan yo anndan tanp la, epi l soti, l al pann tèt li.