Matye 5:13-15

Nouvo Testaman: Vèsyon Kreyòl Fasil

Sèl ak limyè latè

(Mak 9:50; 4:21; Lik 14:34-35; 8:16)

¹³ Ou se sèl latè. Men si sèl la pèdi gou sale l, pa gen anyen yo ka fè pou l vin gen gou sale ankò. Sèl sa a vin pa itil anyen ankò. Yon sèl bagay yo ka fè avè l: se lage l atè pou pye pilonnen l.

¹⁴ Ou se limyè lemonn. Lè yon vil chita sou tèt yon mòn tout je ka wè l. ¹⁵ Yo pa konn limen lanp pou yo mete l anba bokit. Men yo mete l yon kote byen wo pou l ka klere je tout moun ki nan kay la.