Matye 5:20-22

Nouvo Testaman: Vèsyon Kreyòl Fasil

²⁰ Mwen pa kache di nou: si nou pa pi fidèl nan fè sa Bondye mande pase Eskrib yo ak Farizyen yo, nou p ap antre nan wayòm Bondye a.

Jezi anseye konsènan kòlè

²¹ Nou tande yo te di zansèt nou yo piga yo touye moun^[a], paske nenpòt moun ki touye moun Bondye ap jije yo. ²² Men mwen m ap di nou nenpòt moun ki ankòlè kont yon lòt ap pase nan jijman. Nenpòt moun ki derespekte yon lòt ap gen pou pase devan tribinal. Nenpòt moun ki joure yon lòt moun moun fou, li pral jije nan dife lanfè.