Matye 6:16-18

Nouvo Testaman: Vèsyon Kreyòl Fasil

Jezi ap pale sou lè moun ap jèn

¹⁶ Lè nou ap fè jèn, pa fè figi nou long tankou ipokrit. Yo fè figi yo tris pou tout moun ka wè y ap jene. Anverite m ap di nou: yo jwenn rekonpans yo deja. ¹⁷ Men nou menm, lè n ap jene, lave vizaj nou. Fè figi nou byen fre. ¹⁸ Konsa, moun pa menm konnen si n ap fè jèn, men Papa nou ki nan syèl la, ki konnen tout ti sekrè, li va ban nou rekonpans nou.