Mga Awit 143:8-10

Magandang Balita Biblia (with Deuterocanon)

⁸Ako ay umasa, sa iyo nagtiwala, sa pagsapit ng umaga ay ipagugunita
yaong pag-ibig mo na lubhang dakila.
Ang aking dalangin na sa iyo'y hibik,
patnubayan ako sa daang matuwid.

⁹Iligtas mo ako sa mga kalaban,
ikaw lang, O Yahweh, ang aking kanlungan.
¹⁰Ikaw ang aking Diyos, ako ay turuan
na aking masunod ang iyong kalooban;
ang Espiritu^[a] mo'y maging aking tanglaw sa aking paglakad sa ligtas na daan.