Mga Awit 30:7-9

Magandang Balita Biblia (with Deuterocanon)

⁷Kay buti mo, Yahweh, ako'y iyong iningatan,
tulad sa isang muog sa kabundukan.
Ngunit natakot ako, nang ako'y iyong iwan.

⁸Sa iyo, Yahweh, ako'y nanawagan,
    nagsumamo na ako ay tulungan:
⁹“Anong halaga pa kung ako'y mamamatay?
    Anong pakinabang kung malibing sa hukay?
Makakapagpuri ba ang mga walang buhay?
    Maipapahayag ba nila ang iyong katapatan?