Mga Awit 35:19-21

Magandang Balita Biblia (with Deuterocanon)

¹⁹ Huwag^(A) mong tutulutang ang mga kaaway,
    magtawanan sa aking mga kabiguan;
gayon din ang may poot nang walang dahilan,
    magalak sa aking mga kalumbayan.

²⁰ Sila, kung magwika'y totoong mabagsik,
    kasinungalingan ang bigkas ng bibig,
    at ang ginigipit, taong matahimik.
²¹ Ang paratang nila na isinisigaw:
    “Ang iyong ginawa ay aming namasdan!”