Mga Awit 37:7-9

Ang Biblia, 2001

⁷ Ikaw ay manahimik sa Panginoon, at matiyaga kang maghintay sa kanya:
    huwag kang mabalisa sa gumiginhawa sa lakad niya,
    dahil sa taong nagsasagawa ng masamang pakana.

⁸ Iwasan mo ang pagkagalit, at ang poot ay iyong talikdan!
    Huwag kang maghimutok, ito'y maghahatid lamang sa kasamaan.
⁹ Sapagkat ang masasama ay tatanggalin;
    ngunit ang naghihintay sa Panginoon ay magmamana ng lupain.