Mga Awit 37:9-11

Magandang Balita Biblia (with Deuterocanon)

⁹Ang nagtitiwala kay Yahweh, mabubuhay, ligtas sa lupain at doon tatahan,
ngunit ang masama'y ipagtatabuyan.

¹⁰Hindi magtatagal, sila'y mapaparam,
kahit hanapin mo'y di masusumpungan.
¹¹Tatamuhin^(A) ng mga mapagpakumbaba, ang lupang pangako na kanyang pamana;
at sa lupang iyon na napakasagana, ang kapayapaa'y matatanggap nila.